Ардын хувьсгалын 100, 101 жилийн ой, Үндэсний их баяр наадмын хүчит 1024 бөхийн барилдаан өндөрлөсөн. Тэгвэл тус барилдааны талаарх улсын аварга Г.Эрхэмбаярын сэтгэгдлийг  тодруулан хүргэж байна.

    Тэрбээр “Залуу бөхчүүд олноор төрөн гарсан, өнгөтэй наадам болж, өндөрлөлөө. Миний хувьд 40 нас  гарсан учир хуучин цаг шиг 20 гаран насны залуу бөхчүүдтэй барилдаад байх боломж ховор. Ах нар маань зөвийг зааж, сургаж ирсэн учраас бидний үе ч мөн адил дараа үеийн залуу төлөөллүүдээ гаргаж ирэхийн хүссэн. Залуу бөхчүүдийн дэмжих нь нэг ёсондоо уламжлал болж ирсэн гэх үү дээ. Нэг зүйлд гэж хэлэхэд Э.Энх-Амгаланг амласанд хүмүүс шүүмжлэлтэй хандсан. “Мөнгө аваад тахимаа өглөө” гэж битгий харлуулаасай гэж хүсэж байна. Ямар нэгэн мөнгө төгрөгтөө биш эв нэгдэл, сэтгэл гэдэг зүйлийг харуулахыг хүссэн. Хүний амьдралд жаргал, зовлон ээлжлэн юу тохиолдохыг таашгүй. Э.Энхбат агсан бол бидний нэгэн хэсэг байсан. Туулсан замнал,  үлдээсэн орон зай гэж зүйл бий. Тэр орон зайг дүүд нь өгч, аав,ээжид нь багахан ч гэсэн сэтгэлийн баяр баяслыг төрүүлэхийг хүссэн” гэлээ.