Аялал, зугаалгын улирал эхэлтэй холбоотойгоор Улаанбаатар хот орчмын төлбөр авах цэгүүдэд автомашины орох, гарах хөдөлгөөн ихэсжээ. Бид үүнтэй холбоотойгоор Зам, тээврийн хөгжлийн яамнаас тодруулав.

                 Энэ талаар Зам, тээврийн хөгжлийн яамны мэргэжилтэн “Монгол Улсын хэмжээнд олон улс, улсын чанартай авто зам ашигласны төлбөр авах 28 цэг байдаг. Үүнээс Улаанбаатар хот орчмын Эмээлт, Налайх-Тэрэлж, Түргэний гүүр, Хоолтын төлбөр авах цэгүүдэд Зам, тээврийн хөгжлийн сайдын 2020 оны А/59 дүгээр тушаалыг үндэслэн цахимжуулах ажлыг үе шаттайгаар туршиж байна. Дээр цэгүүдэд хотоос гарах хөдөлгөөнийг Зам, тээврийн хөгжлийн төв ТӨҮГ, харин орон нутгаас хот руу орох  хөдөлгөөнийг Нийслэлийн замын хөгжлийн газар хариуцан ажилладаг байна.

Сүүлийн үед аялал, зугаалгын улирал эхэлсэнтэй холбогдуулан Улаанбаатар хот ормын ТАЦ-үүдэд орох, гарах хөдөлгөөн ихэссэн. Тиймээс тээврийн хэрэгсэл эзэмшигч заавал бэлэн мөнгө, карт ашиглаж дараалал үүсгэх шаардлагагүй E-barimt, Socialpay, Monpay цахим төлбөрийн хэрэгслийг ашиглан шууд нэвтрэх боломжтой” гэлээ.