Цахим сүлжээнд "Дархан, Сэлэнгэ аймгийн нутагт хүчтэй газар хөдөллөө" гэх мэдээлэл тараад байна. Бид үүнтэй холбоотойгоор Одон орон, геофизикийн хүрээлэнтэй холбогдож тодрууллаа.

          Одон орон, геофизикийн хүрээлэнгээс “Одоогийн байдлаар Монголын бүс нутагт газар хөдөлсөн тухай мэдээлэлгүй байна. Харин ОХУ-ын нутаг дэвсгэр дэх Байгаль нуурын орчимд газар хөдөлсөн. Хойд хөршийн нутагт болсон газар хөдлөлтийн чичирхийлэл Монголд мэдрэгдсэн байж болзошгүй” хэмээсэн юм.

Байгаль нуурт болсон газар хөдлөлт нь Монголын цагаар арванхоёрдугаар сарын 15-ны 21:44:51-т болсон бөгөөд 5.7 магнитудын хүчтэй байсан талаар Одон орон, геофизикийн хүрээлэнгээс мэдээлэв.