“Хил хаалттай байгаатай холбоотойгоор “Эрдэнэт үйлдвэр”-ийн бараа, материал тасалдаж, үйлдвэрлэл нь зогсоход хүрээд байна” гэсэн мэдээлэл цахим сүлжээгээр тархаад байна. Бид үүнтэй холбоотойгоор “Эрдэнэт үйлдвэр” ТӨҮГ-ын Хэвлэл мэдээлэл олон нийттэй харилцах албаны мэргэжилтэй холбогдож тодрууллаа.

          Тэрбээр “Эрдэнэт үйлдвэр”-ийн үйл ажиллагаа зогсох, материалгүйгээс үүдэн үйлдвэрлэл зогсоогүй. Манай “Эрдэнэт үйлдвэр” ТӨҮГ-ын үйл ажиллагаа тасалдаагүй, 24 цагийн тасралтгүй үйл ажиллагаагаа явуулж байгаа. Шаардлагатай бүх бараа, материалыг 2-3 жилээр нөөцлөх боломжгүй. Хэрэв “Эрдэнэт үйлдвэр”-ийн үйлдвэрлэл зогсоход хүрвэл Монгол Улс хэцүүднэ шүү дээ.

          “Эрдэнэт үйлдвэр” ТӨҮГ бараа, химийн материалаа тасалдуулахгүй татаж байгаа. Хил, гаалийн асуудалтай холбоотойгоор материал 1-2 хоногоор хоцорч ирэх тохиолдол байгаа ч, үйл ажиллагаа асуудалгүй, хэвийн байна” хэмээсэн юм.