АНУ-ын алдарт комик номын зохиолч агсан Стэн Лийгийн гэмт хэрэгтнүүдтэй тэмцэж буй супер баатар хүн аалзын цуврал анх дэлхий даяар цацагдаж байхдаа 12 центээс хэтрэхгүй байсан гэнэ. Анх хэвлэгдсэнээсээ 50 жилийн дараа дуудлага худалдаанд оролцуулсан уг цуврал комикыг "BBC"-гийн хөтлөгч Жонатан Росс 40 мянган ам.доллараар худалдаж авчээ. Харин тэрбээр саяхан өөр нэгэн хэвлэлд өгсөн ярилцлагынхаа үеэр уг цуглуулгаа “Дахин дуудлага худалдаанд оролцуулж, өмнөхөөс нь өндөр үнэ хүргэж, сайн үйлсийн төлөө зарцуулах болно” хэмээсэн байна.

9."Levi Strauss" болон "Co 501s" жинсэн өмдний хос цуглуулга

       Хэдий өнөө үед жинсэн өмдний хэрэглээ хүрээгээ тэлсэн ч хамгийн анхны жинсэн өмднөөс эхлээд өнөө цагийн шинэ жинсэн өмд хүртэл байдаг нэгэн цуглуулагч бий. Одоо үеийн "Levi’s" компанийн хайгаад ч олж чадаагүй, 1880-аад оны анхны жинсэн өмдний хосыг багтаасан уг цуглуулгыг eBay онлайн дуудлага худалдаагаар японы нэгэн хөрөнгөтөн 60 мянган ам.доллараар худалдан авчээ.

8.Гутенбергийн библи

       “Гутенбергийн хөдөлгөөнт хэв” буюу анхны принтерээр хэвлэгдсэн библи ном цуглуулагчдын худалдан авахыг хамгийн их хүсдэг ном гэнэ. 500 гаруй жилийн өмнө хэвлэгдсэн Гутенбергийн библиэс 42 хувь цуглуулга нь хадгалагдан үлдсэн ажээ. Гутенбергийн библийн нэг хувь нь л гэхэд 20 мянгаас 100 мянган ам.долларын үнэ хүрэх бөгөөд мөн дэлхийн хамгийн үнэтэй номуудын нэгт зүй ёсоор тооцогддог байна.

7.1787 оны "Château Lafite" дарсны шил

       Уг дарсны шил нь ердийн нэгэн 1780-аад оны үеийн шил биш ажээ. 1787 оны "Château Lafite" дарсыг АНУ-ын ерөнхийлөгч агсан, философич Томас Жефферсон хэрэглэсэн бөгөөд өнөөг хүртэл лонх нь хадгалагдан ирсэн аж. Сүүлд 1985 оны нэгэн дуудлага худалдаагаар уг лонхыг дарс цуглуулагч нэгэн хөрөнгөтөн 160 мянган ам.доллараар худалдаж авсан гэдэг байна.

6.Нэрт дуучин Жон Леннон болон түүний гэргий Ёко Оно нар хамтран гаргасан “Double Fantasy” цомог

       Нэрт дуучин Жон Леннон амиа алдахаас гурван долоо хоногийн өмнө уг цомгоороо 24 дэх “Грэмми наадам”-ын “Оны шилдэг цом”-ыг хүртсэн билээ. Харин уг үйл ажиллагааны үеэр нэгэн шүтэн бишрэгч нь тус цомгон дээр гарын үсгийг нь зуруулж авсан байжээ. Уг гарын үсэгтэй цомог нь нэрт дуучны сүүлчийн цомгийн цор ганц гарын үсэгтэй хувилбар юм. Дараа нь уг гарын үсэгтэй цомгийг дуудлага худалдаанд оруулж, 525 мянган ам.доллараар худалдсан байна.

5.Юань гүрний шаазан ваар

       Шаазан ваарны аль цуглуулга өндөр үнэ хүрдэг. Харин таны цуглуулгад 1271-ээс 1688 оны үед ашиглаж байсан байж болох Хятадын Юань гүрний үеийн ваар бий бол хамгийн үнэтэй ваарны цуглуулга гэхэд хилсдэхгүй. Олон жилийн өмнө уг ваарыг нэгэн хөрөнгөтөн 1.2 сая ам.доллараар худалдаж авсан гэх албан бус мэдээлэл байдаг ажээ. Харин уг хөрөнгөтөн уг ваарыг өнөөгийн зах зээлд дахин гаргаж ирвэл худалдаж авсан төлбөрөө хэд дахин нугалж авах боломжтой хэмээн цуглуулагчид үзсэн юм.

4.Хонус Вагнерийн бейсболлын карт

       Манай оронд уг спорт дэлгэрээгүй ч бусад дэлгэрсэн оронд бейсболлын зурагт карт цуглуулах нь спорт сонирхогч бүрд түгээмэл дэлгэрсэн аж. Бейсболлын алдарч тамирчин агсан Хонус Вагнерийн спортынх нь оргил үе буюу 1900-гаад онд Tobacco брендээс 200 орчим хувь хэвлэгдсэн уг зурагт карт өнөө цагт 1.26 сая ам.долларын үнэ хүрдэг гэнэ.

3."Treskilling" шар тамга

       1955 онд Швед Улс төрийн сүлд бүхий шуудангийн тамга хэвлэж байжээ. Ихэвчлэн цэнхэр болон ногоон өнгөөр хэвлэсэн боловч алдсаа гарсны улмаас ганцхан шар тамга хэвлэгдсэн юм. "Treskilling" маркийн цор ганц шар тамгыг 1996 онд 2.3 сая ам.долларын үнэ хүргэжээ.

2.Уильям Шекспирын гарын үсэг

       Английн нэрт зохиолч, яруу найрагч Уильям Шекспирын гарын үсэг өнөө цагт байшингийн гэрчилгээ, гэрээслэл зэрэгт бичигдсэнээр зургаан хувь байгаа ажээ. Харин тус бүрийг дэлхийн өнцөг булан бүр дэх тэрбумтнууд эзэмшдэг гэх тодорхой бус мэдээлэл байдаг аж. Хэрэв тэдний аль нэгийг нь л зарах юм бол гурваас таван сая ам.долларын үнэ хүрнэ хэмээн судлаачид үздэг байна.

1.Дэлхийн хамгийн том алмааз болон цагаан алмаазны цуглуулга бүхий зүүлт

Бүгд найрамдах Конго Улсын нэгэн өсвөр насны охин сарнай хэмээгддэг уг өндөгөн хэлбэртэй алмаазыг олж байжээ. Харин дараа нь уг сарнайг алмаазны цуглуулгатай нийлүүлэн хамгийн өндөр үнэ бүхий алмаазан зүүлтийг урласан гэдэг. Зөвхөн сарнайгаар тогтолгүй 407 каратын 90 ширхэг цагаан очир алмаазаар чимэглэсэн уг зүүлт 55 сая ам.долларын үнэтэйгээрээ уг жагсаалтыг тэргүүлжээ. Одоог хүртэл уг зүүлтний эзэмшигч нь тодорхойгүй байна.