Олон улсын жүдо бөхийн холбоо (IJF)-ны Энх тайвны хорооны дэд дарга доктор Б. Пагва, Монгол Улсын Шүүхийн шийдвэр гүйцэтгэх ерөнхий газрын харьяа “Сүлд” спорт хорооны дасгалжуулагч, Олон улсын хэмжээний мастер А. Давааням, Япон улсын Yoshimochi Gakuen Independent Academy & Yanagigaura High School-ийн жүдо бөхийн ахлах багш Сэнсэй Когучи Сэйжиро, захирал Такэки Кондо нарын төлөөлөл Чех Улсын Hradec Králové хотын Judo Sokol клубын өсвөр, залуучуудад жүдо бөхийг хөгжүүлэх олон улсын хамтын ажиллагааны хөтөлбөрийг эхлүүллээ.

    Энэхүү хөтөлбөрөөр Чех–Япон–Монголын залуу жүдочид харилцан айлчилж, хамтарсан бэлтгэл, сургалт, туршлага солилцож суралцах, хамтдаа хөгжих шинэ боломж нээгдэж байна.Хөтөлбөрийн ач холбогдлыг үнэлэн Hradec Králové хотын дарга хатагтай Pavlína Springerová багш, дасгалжуулагч нарт баяр хүргэж, Чехийн мэргэжлийн хоккей болон дээд лигийн хөлбөмбөгийн тэмцээнүүдэд урин оролцуулсан нь энэхүү айлчлалд спорт, нөхөрлөлийг хослуулсан сайхан дурсамж үлдээлээ.