Монгол Улсын Анагаахын Шинжлэх Ухааны Үндэсний Их Сургууль (АШУҮИС) болон Японы Олон улсын хамтын ажиллагааны байгууллага (ЖАЙКА)-тай хамтран хэрэгжүүлэх  “Монгол Улсад Хепатит дельта вирусийн халдварыг хянах судалгаа, хөгжүүлэлтийн төсөл”-ийн тархвар зүйн судалгааны зорилтын хүрээнд Халдварт өвчин судлалын үндэсний төв (ХӨСҮТ)-тэй хамтран ажиллах уулзалт зохион байгуулжээ.

     Тус төслийн хүрээнд Монгол Улсын хэмжээнд хепатитын В болон дельта вирусийн серологийн болон молекул эпидемиологийн онцлогийг тодорхойлж, В вируст хепатитын (HBV) вакцины үр нөлөөг үнэлэх чиглэлээр хамтран ажиллахаар төлөвлөж байгаа аж. Мөн төслийн хүрээнд ХӨСҮТ-ийн эмч, судлаачдыг Япон Улсын Токушимагийн их сургуульд докторын сургалтад хамруулах боломжийн талаар талууд онцлон ярилцжээ.

     Уулзалтад ХӨСҮТ-ийн дэд захирал Б.Азжаргал, ХӨСТА-ны дарга Ж.Нямсүрэн, ДА-ны дарга О.Дашпагам, НЛА-ны дарга Б.Бумдэлгэр болон Япон талын төслийн удирдагч Кома Такааки, Монгол талын төслийн удирдагч Ч.Баттогтох зэрэг холбогдох албаныхан, судлаачдын төлөөлөл оролцжээ.