Төв аймгийн Сэргэлэн, Баян сумын нутагт хууль бус алт олборлож байсан иргэдийг газар дээр нь очиж шалган байгаль орчинд ноцтой хохирол учруулсан иргэдийг саатуулжээ. Төв аймгийн Засаг даргын захирамжаар Аймгийн Засаг даргын орлогч Г.Сурмаагаар ахлуулсан ажлын хэсэг, Баян, Сэргэлэн сумын удирдлага, Байгаль орчин аялал жуулчлалын газар, Аймгийн замын цагдаа, Экологийн цагдаа, ИТХ хамтран өнгөрсөн шөнө ажилласан аж. Шалгалтын үеэр дугуйт ачигч, өөрөө буулгагч хова, суудлын авто машин, бусад техник тоног төхөөрөмж нийт 42 авто машин журамлан Төв аймгийн саатуулах төвд шилжүүлсэн байна.

 Дээрх зөрчлийн дагуу байгаль орчинд учруулсан хохирлыг нөхөн төлүүлэх хуулийн дагуу хариуцлага тооцуулахаар холбогдох хуулийн байгууллагад шилжүүлжээ. Цаашид сум орон нутгийн иргэд хууль бус ажиллагаа явуулж байгаа этгээдүүдийг үйлдэл дээр нь баримтжуулах, хууль хяналтын байгууллагад цаг алдалгүй мэдэгдэж иргэний үүргээ биелүүлэн орон нутгаа хамтран хамгаалахыг уриалж байна.