Булган аймгийн Гурванбулаг сумын нутаг сумын төвөөс урд зүгт 32 километрт орших Хөгнө багийн Рашаантын-Ар хүр хэмээх газарт тавдугаар сарын 30-ны 19:30 цагаас  тавдугар сарын 31-ны 11:00 цаг хүртэл дуу цахилгаантай бороо үргэлжлэн оржээ. Усархаг борооны улмаас үер бууж нэг айлын гэр урсаж, нэг айлын бог мал аянгад өртөж хорогдсон тухай мэдээлэл Онцгой байдлын газарт ирсэн байна. 

     Малчин Б-ийн таван ханатай гэр үерт урсаж, малчин Р-ийн 10 хонь аянгад өртөж хорогдсон тухай мэдээллийг Гурванбулаг сумын Засаг даргын Тамгын газрын дарга зургаадугаар сарын  1-ний 06:00 цагт аймгийн Онцгой байдлын газарт ирүүлсэн хэмээн ОБЕГ-аас мэдээлэв.