АНЭУ-ын Абу Даби хотноо жюү жицү-гийн насанд хүрэгчдийн дэлхийн аварга шалгаруулах тэмцээн үргэлжилж байна. ДАШТ-ий эмэгтэйчүүдийн 52 кг-ын жинд “Гаруда” академи, “Гүмүда Констракшн” ХХК-ийн тамирчин Ганбаатарын Монголжин хүрэл медаль хүртлээ. Тэрбээр ОХУ, Филиппин, ОХУ, Казахстан Улсын шилдэг тамирчидтай өрсөлдөж, хүрэл медалийн төлөөх шийдвэрлэх барилдаанд Арабын Нэгдсэн Эмират Улсын тамирчныг ялснаар дэлхийн медалиа ихэрлүүллээ.