Залуу тамирчдаар багаа сэлбэсэн Монгол Улсын эмэгтэй шигшээ баг энэ жил дөрвөн жилд нэг удаа зохион байгуулагддаг Азийн наадамд оролцохоор бэлтгэлээ хангаж байна. Монголын шигшээ баг Азийн наадмын өмнө Бүгд Найрамдах Хятад Ард Улсын Бээжин хотод эзэн орны болон Шинэ Зеландын шигшээ багуудтай нөхөрсөг тоглолт хийх юм.

   Үүнтэй холбогдуулан шигшээ баг өнөөдөр 2026 оны наймдугаар сарын 6-ны өдөр БНХАУ-ын Бээжин хотыг зорьж, олон улсын хамтарсан бэлтгэл сургуулилалтад хамрагдана. Энэхүү бэлтгэл нь Азийн наадмын өмнөх тоглолтын бэлэн байдлыг хангах, багийн уялдаа холбоог сайжруулах, олон улсын түвшний өрсөлдөөний туршлага хуримтлуулах чухал ач холбогдолтой. Монголын сагсан бөмбөгийг дэмжин, үндэсний шигшээ багтай хамтран ажиллаж буй “МИАТ”, “Gan Sport center, M bank arena”, үндэсний үйлдвэрлэгч “TG Sport брэнд, KELME” брэндүүд ажиллаж байна.