Олон улсын таеквондо-гийн холбоо “ITF”-ийн Ази тивийн аварга шалгаруулах XI тэмцээн 2026 оны наймдугаар сарын 3-9-ний өдрүүдэд "Буянт-Ухаа" спорт цогцолборт болж байна. Монгол Улсын Ерөнхий сайдын ивээл дор болж буй тус тэмцээнд 32 орны 1283 тамирчин оролцож эхэллээ. Хоёр жил тутамд нэг удаа болдог Азийн аварга шалгаруулах тэмцээн тулаан, хөдөлгөөнт тоот дасгал, хатуу биет хугалах, онцгой гэсэн төрлүүдээр явагдаж байгаа. Азийн аваргын тэмцээн өсвөр үе, залуучууд, насан хүрэгчид, мастерс ангиллаар өрсөлдөж аваргуудаа тодруулах юм. Азийн аваргын нээлт өчигдөр “Буянт-Ухаа” спортын ордонд боллоо. Нээлтийн үеэр БНАСАУ-ын баг, тамирчдын хийсэн үзүүлэх тоглолтын фото агшинг хүргэж байна.