Канад Улсаас Монгол Улсад суугаа Элчин сайд Дауст, Монгол Улсын гавьяат тамирчин Хөдөлмөрийн баатар, чөлөөт бөхийн дэлхийн хошой аварга, ХХ зууны манлай бөх Зэвэгийн Ойдов гуайг хүлээн авч уулзан хүндэтгэл үзүүлэв. Хөдөлмөрийн баатар З.Ойдовын 1976 оны долдугаар сарын 31-ний өдөр ”Монреал-1976” зуны XXI олимпын их наадмын чөлөөт бөхийн 62 кг-ын жинд мөнгөн медаль хүртэж байлаа.

    Ийнхүү түүний Монгол түмнээ дэлхийд алдаршуулсны 50 жилийн ой тохиож байна. Канад Улсын Элчин сайд Дауст, З.Ойдов гуайн спортын салбарт гаргасан түүхэн амжилт, Монгол Улсад төдийгүй олон улсын тавцанд оруулсан үнэтэй хувь нэмэрт баяр хүргэж, хүндэтгэл илэрхийлэв. Элчин сайд гавяат тамирчинтай хамт энэхүү онцгой түүхэн өдрийг дурсаж, үе үеийн тамирчид, спорт сонирхогчдод урам зориг өгсөөр буй түүний спортын бахархам өвийг алдаршуулах боломж олдсондоо баяртай байгаагаа илэрхийллээ.