Архангай аймгийн жүдо бөхийн холбоо шагналын сан өндөртэй насанд хүрэгчдийн жүдо бөхийн “ARA OPEN” тэмцээнийг 2026 оны долдугаар сарын 29-30-ны өдрүүдэд зохион байгуулж өндөрлөв. Энэхүү тэмцээн нь Архангай аймагт жүдо бөхийн холбоо шинээр байгуулагдсантай холбоотойгоор орон нутагтаа жүдо бөхийн хөгжлийг шинэ шатанд гаргах зорилготой юм. Тэмцээнд Монголын жүдо бөхийн шилдэг тамирчид, олимп, дэлхийн медальтнууд оролцож, уран мэх, хүч чадлаа сорин өрсөлдсөн юм. “АРА ОПЕН-2026” анхдугаар тэмцээнд “Алдар”-ын жүдочид багаараа тэргүүллээ. Д.Батсайхан дасгалжуулагчтай “Алдар”-ын бөхчүүд энэхүү тэмцээнээс таван алт, таван мөнгө, дөрвөн хүрэл медаль хүртэж, шилжин явах цом, таван сая төгрөгийн эзэн болсон юм. Удаах байруудад “Хилчин”, “Женко” клубүүд оров.

С.ЛХАГВАДУЛАМ 70 КГ-Д ӨНГӨЛЛӨӨ

    Өсвөрийн Азийн аваргын хүрэл медальт, насанд хүрэгчдийн Азийн аваргын 5-р байрын шагналт “Алдар” спорт хорооны тамирчин, ОУХМ С.Лхагвадулам “АРА ОПЕН-2026” тэмцээний эмэгтэйчүүдийн 70 кг-ын жинд түрүүллээ.  Тэрбээр аваргын төлөөх барилдаанд “Хилчин” спорт хорооны тамирчин Б.Хатансүлдийг вазари үнэлгээгээр буулгаж авсан. УАШТ-ий мөнгөн медальт У.Анужин, УАШТ-ий хүрэл медальт, залуучуудын улсын аварга Х.Буянжаргал нар энэ жинд хүрэл медаль хүртлээ.

Эмэгтэйчүүдийн 70 кг-ын дүн:

С.Лхагвадулам (Алдар) спорт хороо.

Б.Хатансүлд (Хилчин) спорт хороо.

Х.Буянжаргал (Хангай жүдо) клуб.

У.Анужин (Женко) клуб.

Н.МӨНХБАЯР “АРА ОПЕН”-ИЙ АВАРГА БОЛЛОО

   Азийн нээлттэй тэмцээний мөнгөн медальт Н.Мөнхбаяр “АРА ОПЕН” тэмцээний эрэгтэйчүүдийн 81 кг-ын жинд түрүүллээ. Тэрбээр финалд “Тэмүүжин” клубийн О.Шинэбаярыг нэмэлт цагт ялсан юм. “Мон-Алтиус Цагаанбаатар академи”-ийн тамирчин, өсвөрийн УАШТ-ий зургаан удаагийн аварга Б.Тэмүүлэн болон залуучуудын улсын аварга Н.Жангарай нар хүрэл медаль хүртэв. Б.Тэмүүлэнгийн хувьд насанд хүрэгчдийн тэмцээнээс анхны медалиа авсан нь энэ. Харин Н.Жангарай өмнө нь “ТОП-6” тэмцээнээс хүрэл медаль хүртэж байв.

Эрэгтэйчүүдийн 81 кг-ын дүн:

Н.Мөнхбаяр (Женко) клуб.

О.Шинэбаяр (Тэмүүжин) клуб.

Б.Тэмүүлэн (Мон-Алтиус Цагаанбаатар академи)

Н.Жангарай (Монголын жүдо академи)

“АРА ОПЕН-2026”-гийн ЭМЭГТЭЙЧҮҮДИЙН -78 КГ Б.НЯМ-ЭРДЭНЭ ТҮРҮҮЛЭВ

     Өсвөр үеийн ДАШТ-ий хүрэл медаль, насанд хүрэгчдийн Азийн аваргын хүрэл медальт, улсын хошой аварга Б.Ням-Эрдэнэ жин өгсөж барилдаад түрүүллээ. Өсвөрийн Азийн аварга Э.Буян-Өлзий энэ жинд үзүүрлэсэн бол “Хилчин” спорт хорооны А.Дуламсүрэн, “Чемпионс” клубийн А.Нандин-Эрдэнэ нар хүрэл медалийн эзэд болов.

Эмэгтэйчүүдийн -78 кг-ын дүн:

Б.Ням-Эрдэнэ (Женко) клуб.

Э.Буян-Өлзий (Мон-Алтиус Цагаанбаатар академи)

А.Дуламсүрэн (Хилчин) спорт хороо.

А.Нандин-Эрдэнэ (Чемпионс) клуб.

“АРА ОПЕН-2026”: ЭРЭГТЭЙЧҮҮДИЙН 90 КГ-Д Г.БОЛОР-ОЧИР ТҮРҮҮЛЛЭЭ

     Парисын “Их дуулга” тэмцээний хүрэл медальт, Улаанбаатарын “Их дуулга”-ын 5-р байрын шагналт, ОУХМ  Г.Болор-Очир “АРА ОПЕН”-ий эрэгтэйчүүдийн 90 кг-ын жинд түрүүллээ. Финалд тэрбээр “Алдар”-ын Ц.Дагвадоржийг ялсан юм. “Аварга” дэвжээний А.Оджавхлан болон энэ оны улсын аварга А.Мөнх-Эрдэнэ нар хүрэл медаль хүртэв.

Эрэгтэйчүүдийн 90 кг-ын дүн:

Г.Болор-Очир (Алдар) спорт хороо.

Ц.Дагвадорж (Алдар) спорт хороо.

А.Оджавхлан (Аварга) сургууль

А.Мөнх-Эрдэнэ (Гүрү дожо) клуб.

ЭМЭГТЭЙЧҮҮДИЙН +78 КГ-Д А.АДЪЯАСҮРЭН АЛТАН МЕДАЛЬ ХҮРТЭВ

    Улсын таван удаагийн аварга, ОУХМ, А.Адъяасүрэн өөрийн үндсэн жиндээ итгэл төгс түрүүллээ. Энэ жилийн улсын аваргаас хүрэл медаль хүртсэн Д.Номинзул энэ жинд мөнгөн медаль хүртсэн бол “Бөх Билэгт” дэвжээний Э.Энхзул, “Монголын жүдо академи”-ийн Б.Хүслэн нар хүрэл медалийн эзэд боллоо.

Эмэгтэйчүүдийн +78 кг-ын дүн:

А.Адъяасүрэн (Алдар) спорт хороо.

Д.Номинзул (Женко) клуб.

Э.Энхзул (Бөх Билэгт) дэвжээ.

Б.Хүслэн (Монголын жүдо академи).

 “АРА ОПЕН-2026”: ЭРЭГТЭЙЧҮҮДИЙН +100 КГ-Д Ө.ДҮҮРЭНБАЯР ТЭРГҮҮЛЭВ

     Насанд хүрэгчдийн ДАШТ-ий хүрэл медальт, залуучуудын дэлхийн аварга, Монгол Улсын гавьяат тамирчин, Ө.Дүүрэнбаяр хамгийн хүнд жинд итгэлтэй түрүүллээ.

Азийн аваргын мөнгөн медальт Г.Алтанбагана финалд түүнд дийлдэн үзүүрлэсэн.

“Сүлд” спорт хорооны бөх, улсын шинэ харцага Э.Мөнхжаргал болон “Алдар”-ын А.Энхбаяр нар хүрэл медаль хүртсэн юм.

Эрэгтэйчүүдийн +100 кг-ын дүн:

Ө.Дүүрэнбаяр (Алдар)

Г.Алтанбагана (Алдар)

Э.Мөнхжаргал (Сүлд)

А.Энхбаяр (Алдар)

“АРА ОПЕН-2026”: ЭРЭГТЭЙЧҮҮДИЙН -100 КГ-Д Д.УУГАНБИЛЭГ ӨНГӨЛӨВ

      “Женко” клубийн Д.Ууганбилэг эрэгтэйчүүдийн -100 кг-ын жинд өнгөлж, “Хилчин” спорт хорооны Ц.Ган-Эрдэнэ үзүүрлэв. Гавьяат тамирчин О.Ууганбаатар болон “Боржин Төв” дэвжээний Б.Хүдэрчулуун нар хүрэл медаль дээр буулаа.

Эрэгтэйчүүдийн -100 кг-ын дүн:

Д.Ууганбилэг (Женко) клуб.

Ц.Ган-Эрдэнэ (Хилчин) спорт хороо.

О.Ууганбаатар (Сүлд) спорт хороо.

Б.Хүдэрчулуун (Боржин Төв) дэвжээ.

БАГИЙН ДҮН:

1. Д.Батсайхан дасгалжуулагчтай “Алдар” спорт хороо 5 алт, 5 мөнгө, 4 хүрэл.

2. Г.Түвшинжаргал, Б.Мөнхтуяа дасгалжуулагчтай “Хилчин” спорт хороо 4 алт, 1 мөнгө, 4 хүрэл.

3. Г.Энхбаяр дасгалжуулагчтай “Женко” клуб 2 алт, 4 мөнгө, 3 хүрэл.