Унгарын Биеийн тамирын спортын их сургууль нь Олон улсын Олимпын хороо (ОУОХ) болон "Олимпын эв санааны нэгдэл" төслийн дэмжлэгтэйгээр найман долоо хоногийн хугацаатай "Олон улсын дасгалжуулагчийн хөтөлбөр" (ICC)-ийг нээлттэй зарлалаа.

    Тус хөтөлбөр нь 2026 оны аравдугаар сарын 7-ноос  арваннэгдүгээр сарын 26-ны хооронд Унгар улсын Будапешт хотноо танхимаар зохион байгуулагдах бөгөөд Үндэсний олимпын хороо (ҮОХ) бүрээс нэг эрэгтэй, нэг эмэгтэй дасгалжуулагчийг бүрэн тэтгэлгээр сурах боломжтой.

    Сонирхсон дасгалжуулагчид доорх хоёр алхмыг хийх шаардлагатай: “ICC”-ийн цахим хуудсаар орж бүртгэлийн шалгууртай танилцан, бүртгэлээ илгээх юм. МҮОХ-нд тэтгэлэгт хамрагдах хүсэлтийг материалын хамт илгээнэ. МҮОХ-нд материал ирүүлэх хугацаа нь 2026 оны долдугаар сарын 31-ний дотор. “ICC” систем дэх бүртгэлийн эцсийн хугацаа нь 2026 оны наймдугаар сарын 2-ны өдөр байх юм.