Тайланд Улсын нийслэл Бангкок хотод жүдо бөхийн насанд хүрэгчдийн Ази тивийн аварга шалгаруулах тэмцээн энэ сарын 25-27-ны өдрүүдэд болох гэж байна. Энэ удаагийн Азийн аваргад 30 орны эрэгтэй 168, эмэгтэй 127, нийт 295 тамирчин оролцохоор мэдүүлжээ. Монгол Улсаас Үндэсний шигшээ багийн ахлах дасгалжуулагч У.Эрдэнэбаатар, дасгалжуулагч П.Нямлхагва, Б.Хишигбаяр, Г.Болдбаатар нарын удирдлага дор 19 жүдоч өрсөлдөх юм.

      Тэмцээний эрэгтэйчүүдийн 60 кг-ын жинд Б.Сүхбат, 66 кг-д Б.Эрхэмбаяр, 73 кг-д Л.Анхзаяа, 81 кг-д О.Шинэбаяр, 90 кг-д Б.Мөнхбаяр, -100 кг-д А.Энхбаяр, Б.Хүдэрчулуун, +100 кг-д Б.Гончигсүрэн, багийн барилдааны +100 кг-д Ө.Пэрэнлэйжамц нар зодоглоно. Харин эмэгтэйчүүдийн 48 кг-ын жинд Г.Наранцэцэг, 52 кг-д М.Нандин-Эрдэнэ, Б.Уранзаяа, 57 кг-д Т.Ариунзаяа, 63 кг-д гавьяат тамирчин Л.Энхрийлэн, 70 кг-д Д.Есүй, -78 кг-д А.Дуламсүрэн, +78 кг-д А.Адъяасүрэн нар өрсөлдөнө.

     Ази тивийн аварга шалгаруулах тэмцээнээс Монголын баг тамирчид нийт 26 алтан медаль хүртсэн баайдаг. Х.Цагаанбаатар, Х.Эрдэнэт-Од, М.Уранцэцэг, П.Лхамдэгд нар хошой аварга  болж байлаа. Монголоос жүдо бөхийн Ази тивийн анхны алтан медалийг 1996 онд гавьяат тамирчин Д.Нармандах хүртэж байсан бол сүүлд 2024 онд гавьяат тамирчин Б.Баасанхүү, Л.Энхрийлэн, ОУХМ Б.Эрхэмбаяр нар аваргалж байв.

АЗИЙН АВАРГААС АЛТАН МЕДАЛЬ ХҮРТСЭН МОНГОЛЫН ЖҮДОЧИД:

1996 онд: Д.Нармандах

2001 онд: Х.Эрдэнэт-Од

2003 онд: Х.Цагаанбаатар

2003 онд Д.Нямхүү

2005 онд: Х.Цагаанбаатар

2005 онд: Х.Эрдэнэт-Од

2009 онд: Г.Болдбаатар

2011 онд: П.Лхамдэгд

2012 онд: М.Уранцэцэг

2012 онд: П.Лхамдэгд

2013 онд: Д.Төмөрхүлэг

2015 онд: Ц.Мөнхзаяа

2015 онд: Ц.Наранжаргал

2016 онд: Д.Сумъяа

2016 онд: Д.Алтансүх

2016 онд: Н.Дагвасүрэн

2016 онд: Н.Түвшинбаяр

2017 онд: М.Уранцэцэг

2019 онд: Ц.Цогтбаатар

2019 онд: О.Ууганбаатар

2019 онд: Л.Отгонбаатар

2022 онд: Ё.Басхүү

2022 онд: Б.Ганхайч

2024 онд: Б.Баасанхүү

2024 онд: Л.Энхрийлэн

2024 онд: Б.Эрхэмбаяр