АНУ-ын Төрийн тэргүүн Дональд Трамп шинэ коронавирусийн халдвар авсан хэмээн мэдэгдлээ. “Өнөөдөр тэргүүн хатагтай болон миний бие “Ковид-19”-ийн шинжилгээ өгч, хариу нь эерэг гарлаа. Бид тусгаарлах дэглэм сахиж, эмчилгээг даруй эхлүүлэх болно. Бид хамтдаа үүнийг давж гарна” гэж тэрбээр твиттер хуудсандаа бичжээ. Сүүлийн хэдэн өдөр түүнтэй хамт ажилласан нэгэн туслах нь мөн коронавирусийн халдвар авсан тухай BBC мэдээлсэн юм.