Чех Улсын Прага хотын Зоопаркийн шинэ захирал Монгол Улсад зочлов. Чех Улсын Прага хотын Зоопарк нь тахийг Монгол Улсад эргүүлэн нутагшуулах ажлын олон улсын зохицуулагч бөгөөд тус улсын зэрлэг байгалийг хамгаалах үйлсэд урт хугацаанд хариуцлагатай ажиллаж байгаа түнш юм. Тэд Монгол Улсад хэрэгжиж буй төслүүд болон цаашдын хамтын ажиллагааны талаар хэлэлцлээ.

    Байгаль хамгааллын ажил үргэлжилсээр байгаа. Прага хотын Зоопаркийн шинэ захирлын айлчлалын үеэр бид нэн ховордсон хавтгайг үржүүлэх шинэ төвийг дэмжих, мөн Монгол Улсад мазаалай баавгайд зориулсан Олон улсын бага хурлыг хамтран зохион байгуулах боломжийн талаар ярилцлаа.

    Прага хотын харьяа байгууллага болох Прага хотын амьтны хүрээлэн нь 2025 онд 1.449.177 үзэгч зочдыг хүлээн авчээ. Мөн  Монгол сэдэвтэй, "Говь" нэртэй бие даасан хэсэгтэй дэлхийн цорын ганц амьтны хүрээлэн юм. Тэд Нөмрөгт тахь нутагшуулахаар бэлтгэж байна.