Арабын Нэгдсэн Эмират Улсын Абу Даби хотноо зохион байгуулагдаж буй жюү жицү-гийн бүсний ангилалтай дэлхийн аварга шалгаруулах тэмцээний “Мастерс” ангилалд Монголын тамирчид амжилттай оролцож, нэг алт, хоёр мөнгөн медаль хүртсэн бахархам амжилт үзүүллээ. Өмнөговь аймгийн “ГОВЬ ПАНТЕРА” дэвжээний тамирчин Байгалийн Цолмон цэнхэр бүсний “Мастер 2” ангилалд амжилттай барилдаж, алтан медаль хүртэж, дэлхийн аварга болсон билээ. 

   Харин “Хан-Уул жюү жицү академи”-ийн тамирчин Г.Онолбаатар “Мастерсийн М-4” ангиллын цагаан бүсний ангилалд амжилттай өрсөлдөж, мөнгөн медаль, Хэнтий аймгийн “Батноров хүчтэн” дэвжээний тамирчин Амгалангийн Оюунзул цагаан бүсний “Мастер-1” ангиллын -95 кг-ын жинд оролцож мөнгөн медаль тус тус хүртлээ.