Хэдхэн хоногийн өмнө залуучуудын ДАШТ-ий сонгодог, рапид, блиц төрөлд аваргалж гурван алтан медалийн эзэн болсон Дэлхийн даамын холбооны мастер (ДДХМ) Эрдэнэсайханы Даариймаа "Алтан хүү" клубийн тамирчин, БНХАУ-ын Лишуй хотноо өндөрлөсөн түргэвчилсэн тоглолт буюу рапидын ДАШТ-ээс хүрэл медаль хүртлээ. Ийнхүү тэрбээр өсвөр, залуучууд, насанд хүрэгчдийн ангилалд гурвууланд нь дэлхийгээс медаль зүүсэн манай анхны даамчин боллоо. Монголын даамчдаас 2019 онд ДДХМ Насанбаярын Мөнхтуяа рапидын ДАШТ-ээс мөнгөн медаль хүртэж, насанд хүрэгчдийн ДАШТ-ий анхны медалийг эх орондоо авчирч байв.