Хятадын Датун хотод 2026 оны наймдугаар сарын 1–12-ны өдрүүдэд таеквондо-гийн олон улсын тэмцээн зохион байгуулагдаж байна. Тус олон олон улсын цуврал тэмцээнүүдэд “Эрдэнэт таеквондо холбоо”-ноос нэг дасгалжуулагч, дөрвөн тамирчин Монгол Улсаа төлөөлөн оролцож байна. Цуврал тэмцээний эхний гараа болох Хятадын Датун хотын олон улсын тэмцээнээс манай тамирчид медаль хүртжээ.

Медаль хүртсэн тамирчид:

Ц.Маралжингоо — 6 алт, 1 мөнгө, 1 хүрэл.

Б.Мөрөн- 5 алт, 2 мөнгө.

О.Гэрэлчимэг — 4 алт, 1 мөнгө, 2 хүрэл медаль тус тус хүртсэн байна.

    Энэхүү тэмцээн нь БНХАУ-д зохион байгуулагдаж буй олон улсын цуврал тэмцээний эхлэл бөгөөд манай баг эхний гараагаа амжилтаар эхлүүлж, Монгол Улс, Орхон аймаг, Эрдэнэт хотынхоо нэрийг олон улсын тавцанд өндөрт өргөлөө.

    Багийн дараагийн тэмцээн нь БНХАУ-ын Наньжин хотод зохион байгуулагдах, дэлхийн 20 гаруй орны шилдэг тамирчид оролцох “Grand Slam” олон улсын тэмцээн юм. Энэхүү өндөр зэрэглэлийн тэмцээнд манай тамирчид дэлхийн шилдгүүдтэй өрсөлдөн ур чадвар, бэлтгэлээ сорьж, эх орныхоо нэрийг өндөрт өргөхөөр бэлтгэлээ үргэлжлүүлж байгаа юм.