Монгол Улсын Ерөнхий сайдын ивээл дор наймдугаар сарын 3-9-ний өдрүүдэд Олон улсын таеквондо-гийн Ази тивийн аварга шалгаруулах 11 дэх удаагийн тэмцээн Монгол Улсад болох гэж байна. Энэ удаагийн Ази, Номхон далайн орнуудын аварга шалгаруулах тэмцээнд Азийн 32 улс болон Шинэ Зеланд, Австрали, ОХУ зэрэг нийт 34 орны 1272 тамирчин оролцож, тивийн аваргын төлөө өрсөлдөнө.

    Олон улсын таеквондо “ITF”-ийн таеквондо-гийн спорт нь манай улсад 1990 оноос эхлэн хөгжсөн. Тулааны спортын анхдагч төрлүүдийн нэг юм. Монголын тамирчид 1993 онд Узбекистаны нийслэл Ташкент хотод болсон Азийн аваргаас тулааны эмэгтэйчүүдийн 52 кг-ын жинд Маналжав анхны мөнгө медалийг хүртэж байлаа. Мөн эрэгтэйчүүдийн багийн хатуу биет хугалах төрөлд мөнгөн медаль хүртэж байсан билээ.