Казахстан Улсын Алмата хотод жюү жицүгийн Азийн аварга шалгаруулах тэмцээн үргэлжилж байна. Азийн аваргын эмэгтэйчүүдийн 57 кг-ын жинд “Jump Mongolia Academy”, “Супер Драг” ХХК-ийн тамирчин Энхмөнхийн Шүрэнцэцэг амжилттай барилдаж, Азийн аваргаас мөнгөн медаль хүртлээ. Тэрбээр Макао, Арабын Нэгдсэн Эмират Улс, Казахстан Улсын тамирчдыг дараалан ялж, алтан медалийн төлөөх барилдаанд Филиппин Улсын тамирчинтай хүч үзэн, Азийн аваргын мөнгөн медалийн эзэн боллоо.