Итали Улсын нийслэл Ром хотноо зургадугаар сарын 4-ний өдөр зохион байгуулагдсан пара таеквондо-гийн “Гран при” тэмцээнд дэлхийн 29 орны 111 шилдэг тамирчин өрсөлдөж, ур чадвар, хүч чадлаа сорьсон байна.

    Тус тэмцээнд оролцсон Монгол Улсын баг тамирчид амжилттай оролцож, хос хүрэл медаль хүртэв. Эрэгтэйчүүдийн -63 кг жинд Үндэсний шигшээ баг, “Алдар” спорт хорооны тамирчин, паралимпын мөнгө медальт, дэлхийн аварга, Ази тивийн аварга, МУГТ Г.Болор-Эрдэнэ хүрэл медаль хүртжээ.

   Мөн эмэгтэйчүүдийн -52 кг жинд Үндэсний шигшээ баг, “Алдар” спорт хорооны тамирчин, паралимпын аварга, Ази тивийн аварга, Хөдөлмөрийн баатар У.Сүрэнжав хүрэл медалийн тавцанд зогслоо.