Элчин сайд Н.Оюундарь 2026 оны зургадугаар сарын 2-ны өдөр Польш Улсын Варшав хотноо зохион байгуулагдаж буй “FIBA 3х3” дэлхийн аварга шалгаруулах тэмцээнийг үзэж сонирхов. Тэрбээр хэсгийн шатны тоглолтуудыг тус улсад ажиллаж, амьдарч, суралцаж буй монголчуудын хамт үзэж, эх орныхоо 3х3 сагсан бөмбөгийн эрэгтэй, эмэгтэй шигшээ багуудыг дэмжин уухайлан балиашиглав.

    Монгол Улсын нэрийг дэлхийн тавцанд өндөрт өргөж, эх орныхоо төлөө ур чадвар, хүч хөдөлмөр, сэтгэл зүтгэлээ зориулан амжилттай өрсөлдөж буй 3х3 сагсан бөмбөгийн эрэгтэй, эмэгтэй шигшээ багийн нийт тамирчид, дасгалжуулагчдад баяр хүргэв. Мөн түүнчлэн баг тамирчдыг тууштай дэмжин ажиллаж буй “Энержи Ресурс - Хөгжлийн Төлөө”, “MCS Coca-Cola Company”, “МИАТ” ТӨХК, “TG SPORT” болон “GAN Sports Center”-ийн хамт олонд чин сэтгэлийн талархал илэрхийлэв.