Монголын сагсан бөмбөгийн холбооноос, Олон улсын сагсан бөмбөгийн холбоо (ФИБА)-нд  “ФИБА Агент”-ийн шалгалтыг Монгол Улсад зохион байгуулах хүсэлтийг илгээгээд байсан билээ. “ФИБА Агент”-ийн Азийн бүсийн шалгалтыг 2026 оны наймдугаар сарын 12-ны өдөр  Монгол Улсын нийслэл Улаанбаатар хотод зохион байгуулах болсноо албан ёсоор зарлаж бүртгэлийг нээснээ мэдэгдлээ.

    Монголын сагсан бөмбөгийн тоглогч, дасгалжуулагчдын шилжилт хөдөлгөөн, гэрээ байгуулах, түүнийг мөрдөх, өөр улсын лигт тоглох зэрэг хөгжлийн дараагийн шатанд гарахад “ФИБА” лицензтэй агентууд шаардлагатай байгаа юм. “ФИБА Агент”-ийн лиценз авах хүсэлтэй хүмүүс бүртгүүлж, шалгалтын төлбөрийг төлснөөр эрх нь баталгаажна.