Монгол Улсад 1989 онд БНАСАУ-ын цэргийн таеквондочин Пак Хак Хил, Жон Ши Хван нар хүрэлцэн ирж ЦНДС дээр сонсогч нарт  болон хүүхэд, залууст анхны таеквондо-гийн хичээл зааж байсан билээ. Харин Монгол Улсад албан ёсны  таеквондо-гийн холбоог УБХТН-ийн дэргэд техник спортын нэгэн төрөл нь таевондо-гийн спорт болж анхны клубийн суурийгш 1990 онд тавьж, даруй 36 жил болжээ.

     Энэ хугацаанд манай тамирчид тив, дэлхийн чанартай тэмцээн уралдаанд тогтмол оролцож алт, мөнгө, хүрэл медалиудыг хүртэж олон улсад хүлээн зөвшөөрөгдсөн өндөр амжилтуудыг үзүүлсээр байна.  Монголын таеквондо-гийн анхдагч тамирчидн, мастерууд хот хөдөөд сайн дураар эвлэлдэн нэгдэж “Олон улсын таеквондо-гийн мастеруудын Монголын холбоо”-г байгуулсан юм.

    Тус мастеруудын холбооны тамирчид 2008 оноос тив дэлхий олон улсын тэмцээн уралдаануудад амжилттай оролцож, хувийн болон багийн төрлөөр өндөр амжилт үзүүлж ирсэн байгаа.  2018 онд Беларусь Улсын нийслэл Минск хотноо болсон тэмцээнд Монгол мастерууд багийн дүнгээрээ дэлхийд 2-р байр эзэлсэн бахдам түүхийг бүтээж байлаа.

    Ази тивийн аварга шалгаруулах 11 дэх удаагийн тэмцээн Монгол Улсад 2026 оны наймдугаар сарын 3-13-ны өдрүүдэд зохиогдохоор болсон. Энэ тэмцээний төрөл жин тус бүрд тамирчдыг сонгон шалгаруулах, Мастеруудын шигшээ баг тамирчдыг бүрдүүлэх зорилгоор улсын аварга шалгаруулах Мастеруудын анхдугаар нээлттэй тэмцээнийг ийнхүү анх удаа Налайх дүүрэгт зохион байгууллаа.