Монголын үндэсний олимпын хорооны 2022–2026 оны сонгуульт хугацаанд ажилласан Гүйцэтгэх зөвлөлийн гишүүд өчигдөр хуралдаж өнөөдөр зохион байгуулагдах Олимпын чуулгантай холбоотой цаг үеийн болон зохион байгуулалтын асуудлуудыг хэлэлцлээ. Хурлаар МҮОХ-ны 2022–2026 оны дөрвөн жилийн үйл ажиллагааны тайлан,  "Милан Кортина"- 2026 өвлийн олимпын наадамд оролцсон дүн мэдээлэл, шагнал,  олимпын Чуулганы мандатын комиссыг байгуулах болон цаг үеийн асуудлыг хэлэлцэж шийдвэрлэв. Гүйцэтгэх зөвлөлийн гишүүд ирэх Олимпын чуулганд амжилт хүсэн, Монголын олимпын хөдөлгөөний хөгжилд хамтран ажиллаж буй спортын холбоод, байгууллагууд, нийт гишүүдэд талархал илэрхийллээ.