МҮОХ-ны ерөнхийлөгч Б.Баттүшиг энэ сарын 6–15-ны өдрүүдэд Итали Улсын Милан, Кортина хотуудад зохион байгуулагдах паралимпын өвлийн олимпын наадамтай холбогдуулан Монголын Үндэсний паралимпын хорооны ерөнхийлөгч Ч. Чимэд-Отгоныг хүлээн авч уулзлаа.

     Уулзалтын үеэр талууд паралимпын наадамд оролцох баг, тамирчдын бэлтгэл, дэмжлэг, хамтын ажиллагааны боломжуудыг ярилцаж, цаашид нягт хамтран ажиллахаа илэрхийлэв.

    Энэ удаагийн паралимпын наадамд гүйлтийн цанын төрөлд Б.Ганболд, Ц.Дашдорж, уулын цанын төрөлд Б.Цэрэнпунцаг нар Монгол Улсаа төлөөлөн оролцох юм. Тус наадамд 50 гаруй орны 665 тамирчин спортын зургаан төрөлд хурд хүч, ур чадвараа сорин өрсөлдөнө.