Жүдо бөхийн ахмда мастеруудын дунд явагддаг Монгол Улсын аварга шалгаруулах “Гранд мастерс-2026” тэмцээн болох гэж байна. Тус УАШТ нь 2026 оны гуравдугаар сарын 8-ны өдөр, “Алдар” спорт хорооны зааланд эхэлнэ.Ахмад мастеруудын УАШТ-д түрүүлсэн тамирчид тив, ДАШТ-д эх орноо төлөөлөн оролцох эрхийг хүртэх юм.

     “Гранд мастерс-2026” УАШТ эрэгтэйчүүдийн “М-1” ангилалд 30-34 насны, 1992-1996 оны хооронд төрсөн тамирчид, “М-2” ангилалд 35-39 насны тамирчид, 1987-1991 оны хооронд төрсөн тамирчид, “М-3” ангилалд 40-44 насны, 1982-1986 оны хооронд төрсөн тамирчид, “М-4” ангилалд 45-49 насны 1977-1981 оны хооронд төрсөн тамирчид, “М-5” ангилалд 50-54 насны 1972-1976 оны хооронд тамирчид, “М-6” ангилалд 55-59 насны 1967-1971 оны хооронд төрсөн тамирчид, “М-7” ангилалд 60 дээш насны ахмад тамирчид барилдах эрхтэй.

     Харин эмэгтэйчүүдийн “F-1” ангилалд 30-34 насны, 1992-1996 оны хооронд төрсөн тамирчид, “F-2” ангилалд 35-39 насны, 1987-1991 оны хооронд төрсөн,  “F-3”  ангилалд 40-44 насны , 1982-1986 оны хооронд төрсөн тамирчид,  “F-4” ангилалд 45-49 насны 1977-1981 оны хооронд төрсөн тамирчид,  “F-5” ангилалд 50-54 насны 1972-1976 оны хооронд төрсөн тамирчид,  “F-6” ангилалд 55-аас дээш насны тамирчид өрсөлдөх боломжтой.