“МАК” компани, “Энх хүүхдийн эрүүл мэндийн үндэсний төв”-тэй хамтран “Энх-Мэнд” үндэсний хөтөлбөрийг 21 аймаг, 330 суманд хэрэгжүүлэхээр боллоо. Энэхүү хамтын ажиллагаа нь Монгол Улсад анх удаа 21 аймаг, 330 сумыг хамарсан үндэсний хэмжээний эрүүл мэндийн санаачилга болж буйгаараа онцлог юм.

Хөтөлбөрийн хүрээнд:

Урьдчилан сэргийлэх үзлэг, эрт илрүүлэг

Нарийвчилсан оношилгоо

Мэс заслын тусламж үйлчилгээ

Орон нутгийн эрүүл мэндийн төвийн ажилчдад чиглэсэн сургалт

Тусламж үйлчилгээний чанар, стандартыг сайжруулах арга хэмжээг хэрэгжүүлнэ.

    “Энх-Мэнд” хөтөлбөр нь орон нутгийн иргэдийн эрүүл мэндийн тусламж үйлчилгээний чанар, стандарт, хүртээмжийг нэмэгдүүлж, эх, нярай, хүүхдийн эндэгдлийг бууруулахад бодит хувь нэмэр оруулж, Монгол Улсын эх, хүүхдийн эрүүл мэндийн тогтолцоог урт хугацаанд тогтвортой бэхжүүлэх ач холбогдолтой юм.