ОУОХ-ны хүндэт гишүүн, "Олимпын өвөө" хэмээх Монгол Улсын соёлын гавьяат зүтгэлтэн Шагдарын Магван, Ардын багш, гавьяат тамирчин Д.Сэрээтэр нар Монголын Улсын  Хөпөлмөрийн аатар цол хүртэхээр болжээ.  “Мехико–1968” зуны олимпын наадмын хүрэл медальт, 1970 оны дэлхийн аваргын хүрэл медальт, Монгол Улсын харцага, Ардын багш, гавьяат тамирчин Данзандаржаагийн Сэрээтэр  багш бол зөвхөн медаль, цолоор хэмжигдэх нэгэн бус, Монгол бөхийн түүхэнд амьдрал, хөдөлмөр, сэтгэл зүтгэлээрээ мөнхөрсөн амьд домог болсон тамирчин билээ.

    Тэрбээр чөлөөт бөх болон үндэсний бөхийн спортод өөрийн авьяас чадвар, тэсвэр хатуужил, ухаан туршлагаа зориулж, мянга мянган шавь нарыг төрүүлэн өсгөж, тэдгээрийнхээ амжилтаар дамжуулан Монгол Улсын нэр хүндийг дэлхийн дэвжээнд дуурсгасан эрхэм хүн юм.

    Түүний ялалт, медаль бүрийн цаана багшийн нөр их хөдөлмөр, шавь нарынх нь амжилт бүрийн цаана түүний ухаан, хүмүүжил, үлгэр дуурайлал оршиж байдаг. Монгол бөхийн дэвжээний үе үеийн тамирчид, дасгалжуулагчид, шавь нарын зүрх сэтгэлд Д.Сэрээтэр багшийн нэр хүнд, нөлөө гүн гүнзгий шингэсэн байдаг нь үүний тод илрэл билээ.