“Их Монгол” хэмээх Хасын Шаравжамц аваргын мэндэлсний 150 жилийн ой, сар шинийн сорилго улс, аймаг, цэргийн цолтой 256 бөхийн барилдаанд Сэлэнгэ аймгийн Цагааннуур сумын харьяат, “Алдар” спорт хороо, “Атар трейд” ХХК,  “АПУ” ХК, “Таванхан” дэвжээний бөх, улсын арслан Баярсайханы Орхонбаяр түрүүллээ.

     Ховд аймгийн Буянт сумын харьяат, “Од” групп, “Эм Жи Өү Транс” ХХК, “Зорчигч Тээвэр-1” ОНӨААТҮГ, "Аврагч" спорт хороо, “Ховд” дэвжээний бөх, улсын аварга Оргихын Хангай үзүүрлэв. Их шөвөгт Өвөрхангай аймгийн Төгрөг сумын харьяат, “Нутгийн Буян” групп, Барилга инженерийн цэргийн удирдах газар, "Их Монголын Хүчтэн" дэвжээний бөх, улсын арслан Ц.Бямба-Отгон шалгарч үлдэв.

     Архангай аймгийн Хайрхан сумын харьяат, "Алдар" спорт хороо, зэвсэгт хүчний-034 анги, “Вайт Лэйк” ХХК, “Молор Трейд” ХХК, “Нэгдэл” клуб, “Цацрах Хангай” ХХК, “Цэлмэг дижитал” сургууль, "Бөх Билэгт" дэвжээний бөх, улсын харцага О.Мөнх-Эрдэнэ нар шалгарлаа. Дунд шөвөгт улсын заан Д.Анар, улсын харцага Н.Золбоо, улсын начин Б.Даваа-Очир, улсын начин Ж.Ням-Эрдэнэ нар үлдэв.