Цанын Үндэсний шигшээ баг, “Хилчин” спорт хорооны тамирчин, ОУХМ Б.Ачбадрах “Милан-Кортина-2026” өвлийн олимпын наадмын гүйлтийн цанын 10 км-ын (10+10) скиатлоны төрөлд хүч сорьж 38 улсын 75 тамирчнаас 55 дугаар байрт шалгарлаа. Түүний хувьд “Бээжин-2022” өвлийн олимпын наадмын энэ төрөлд 65 дугаар байр эзэлж байжээ.

     Олимпын наадмын 10 км-ийн зайн уралдааны эхний гурван байрт Норвеги, Францын тамирчид орсон байна.  Ази тивийн төлөөллөөс Япон Улсын тамирчин 22 дугаар байр эзэллээ. Өвлийн олимпын наадамд гурв дахь удаагаа эрхээ авч оролцож буй шигшээ багийн тамирчин Б.Ачбадрах  дараагийн тэмцээн  энэ сарын 10-ны өдөр болох гүйлтийн цанын спринт төрөл байх юм.