Олон улсын жүдо бөхийн холбоо, “IJF”-ийн цуврал  тэмцээнүүдийн 2026 оны эхний “Их дуулга” Франц Улсын Парис хотод хоёрдугаар сарын 7-8-ны өдрүүдэд болох гэж байна. Энэ удаагийн “Бага дэлхийн аварга” гэж нэрлэдэг “Парис-2026 Гранд слам”-д дэлхийн 82 орны эрэгтэй 329, эмэгтэй 199, нийт 528 тамирчин өрсөлдөнө. Манай улсаас эрэгтэй долоо, эмэгтэй найман тамирчин барилдах мэдүүлэг өгчээ. Эмэгтэйчүүдийн 70, +78, эрэгтэйчүүдийн 90, -100, +100 кг-ын жинд манай улсаас бөх барилдахгүй. Өчигдөр эрэгтэй, эмэгтэй жингүүдийн сугалаа явагдаж, оноолт гарсан.

ЭМЭГТЭЙЧҮҮДИЙН 48 КГ-Д Ж.АНУДАРЬ, Г.НАРАНЦЭЦЭГ

     Эмэгтэйчүүдийн 48 кг-ын жинд 24 тамирчин барилдах мэдүүлэг өгсөн байна. Манай улсаас энэ жинд ОУХМ Ганбаатарын Наранцэцэг, ОУХМ Жамсрангийн Анударь нар барилдана.

Тус жингийн “В” хэсгийн нэгдүгээр тойрогт Г.Наранцэцэг гоц мөргөн ялалт авсан байгаа. Хоёрдугаар тойрогт Өмнөд Солонгосын PARK Seo Yun, Францын Morgane ANNIS нарын хэн ялсантай барилдана.

Ж.Анударь “С” хэсгийн нэгдүгээр тойрогт Италийн Francesca MILANI-тай таарсан. Хэрэв түүнийг ялах юм бол хоёрдугаар тойрогт Хятадын HUI Xinran-тай барилдана. Энэ хэсгийг Францын Shirine BOUKLI толгойлсон байгаа.

ЭМЭГТЭЙЧҮҮДИЙН 52 КГ-Д М.НАНДИН-ЭРДЭНЭ, Б.УРАНЗАЯА

      Эмэгтэйчүүдийн 52 кг-ын жинд 32 тамирчин барилдах мэдүүлэг өгсөн байна. Манай улсаас энэ жинд ОУХМ  Мягмарсүрэнгийн Нандин-Эрдэнэ, Баянмөнхийн Уранзаяа нар барилдах юм.

М.Нандин-Эрдэнэ их чанга сугалаа татсан байгаа. Тэрбээр “В” хэсгийн нэгдүгээр тойрогт Францын Amandine BUCHARD-тай таарсан. Хэрэв түүнийг ялж, чадах юм бол хоёрдугаар тойрогт Япон, Хятадын тамирчдын хэн ялсантай барилдах юм.

Б.Уранзаяа “С” хэсгийн нэгдүгээр тойрогт Унгарын “Залуу-Од”  Roza GYERTYAS-тай таарлаа. Хэрэв түүнийг буулган авч чадвал хоёрдугаар тойрогт Францын  Blandine PONT, Косовогийн Fationa KASAPI нарын хэн ялсантай барилдана.

ЭМЭГТЭЙЧҮҮДИЙН 57 КГ-Д Т.АРИУНЗАЯА

    Эмэгтэйчүүдийн 57 кг-ын жинд 25 тамирчин барилдах мэдүүлэг өгсөн байна. Манай энэ жинд ОУХМ Тэрбишийн Ариунзаяа барилдана. Тэрбээр “В” хэсгийн нэгдүгээр тойрогт Испанийн Adriana RODRIGUEZ SALVADOR-той таарсан. Хэрэв түүнийг ялах юм бол хоёрдугаар тойрогт Хорватын Ana Viktorija  PULJIZ-тай барилдана.

ЭМЭГТЭЙЧҮҮДИЙН 63 КГ-Д Л.ЭНХРИЙЛЭН

      Эмэгтэйчүүдийн 63 кг-ын жинд 24 жүдочин барилдах мэдүүлэг өгсөн байна. Манай улсаас энэ жинд МУГТ Лхагватогоогийн Энхрийлэн барилдана. Тэрбээр “В” хэсгийн нэгдүгээр тойрогт гоц мөргөн ялалт авсан байгаа. Хоёрдугаар тойрогт АНУ-ын Emily Daniela JASPE, Испанийн  Laura VAZQUEZ  FERNANDEZ нарын хэн ялсантай барилдана.

ЭМЭГТЭЙЧҮҮДИЙН -78 КГ-Д О.ХҮСЛЭН, А.ДУЛАМСҮРЭН

      Эмэгтэйчүүдийн -78 кг-ын жинд 32 жүдочин барилдах мэдүүлэг өгсөн байна. Манай улсаас ОУХМ Отгонбаярын Хүслэн, залуу тамирчин Айлтгүйбаатарын Дуламсүрэн нар өрсөлдөнө. О.Хүслэн их чанга сугалаа татсан байгаа. Тэрбээр “В” хэсгийн нэгдүгээр тойрогт Францын Audrey TCHEUMEO барилдана. Харин А.Дуламсүрэн “D” Хэсгийн нэгдүгээр тойрогт Сербийн Jovana  STJEPANOVIC-тай таарсан. Түүнийг ялж чадах юм бол хоёрдугаар тойрогт Италийн Alice BELLANDI-тай барилдана.

ЭРЭГТЭЙЧҮҮДИЙН 60 КГ-Д Э.АРИНБОЛД, Т.ТҮМЭНЖАРГАЛ

     Эрэгтэйчүүдийн 60 кг-ын жинд 41 жүдочин барилдах мэдүүлэг өгсөн байна. Манай улсаас ДАШТ-ий мөнгөн медальт, ОУХМ Энхтайванын Ариунболд, залуу тамирчин, оюутны “Унирверсиад” их наадмын хүрэл медальт, шинэхэн улсын аварга Түвшинтөрийн Түмэнжаргал нар барилдана.

Э.Ариунболд “D” хэсгийн нэгдүгээр тойрогт гоц мөргөн ялалт авсан байгаа. Хоёрдугаар тойрогт Бразилын Diego ISMAEL-тай барилдана. Хэрэв түүнийг буулган авч чадах юм бол гуравдугаар тойрогт Азербайжаны  Balabay AGHAYEV, Өмнөд Солонгосын KIM Hwasu, Испанийн  Francisco GARRIGOS нарын хэн ялсантай таарна. Энэ хэсгийг Францын Luka MKHEIDZE толгойлон барилдах юм.

Т.Түмэнжаргал  “В” хэсгийн нэгдүгээр тойрогт Украины Dilshot KHALMATOV-той таарсан байгаа. Түүнийг ялж чадах юм бол хоёрдугаар тойрогт  Унгарын Marton  ANDRASI-тай барилдана.

ЭРЭГТЭЙЧҮҮДИЙН 66 КГ-Д Ё.БАСХҮҮ, Ө.ЖАНЦАНДОРЖ, Б.НАРМАНДАХ, Э.БИЛЭГТ

      Эрэгтэйчүүдийн 66 кг-ын жинд 52 жүдочин барилдах мэдүүлэг өгсөн байгаа. Манай улсаас ДАШТ-ий  хошой мөнгөн медальт, Ази тивийн аварга, МУГТ Ёндонпэрэнлэйн Басхүү, “Гран при”-гийн хүрэл медальт, залуу тамирчин Өнөрбатын Жанцандорж, АНЭУ-ын нэр дээр ОУХМ Баянмөнхийн Нармандах, АНУ-ын иргэншилтэй Эрдэнэбилэгийн Билэгт нар барилдана.

Ё.Басхүү “А” хэсгийн нэгдүгээр тойрогт гоц мөргөн ялалт авсан байгаа. Хоёрдугаар тойргийн барилдаанд Израилийн Adam JAZAN, Италийн Valerio ACCOGLI нарын хэн ялсантай барилдах юм.

Ө.Жанцандорж “С” хэсгийн нэгдүгээр тойрогт Мороккогийн Abderrahmane BOUSHITA-тай таарсан. Хэрэв түүнийг ялж чадах юм бол хоёрдугаар тойрогт Казахстаны Gusman KYRGYZBAYEV-тай барилдана.

АНЭУ-ын Баянмөнхийн Нармандах “В” хэсгийн нэгдүгээр тойрогт гоц мөргөн ялалт авсан байгаа. Хоёрдугаар тойрогт Өмнөд Солонгосын LIM Eunjun, Казахстаны  NARBAYEV Bauyrzhan нарын хэн ялсантай барилдана.

АНУ-ын Э.Билэгт “С” хэсгийн нэгдүгээр тойрогт Киприйн Petros CHRISTODOULIDES-тай таарсан. Хэрэв түүнийг ялж чадах юм бол хоёрдугаар тойрогт Израилийн Matan KOKOLAYEV-тай барилдана.

ЭРЭГТЭЙЧҮҮДИЙН 73 КГ-Д О.УРАНБАЯР, Л.АНХЗАЯА, Б.STEVEN

     Эрэгтэйчүүпийн 73 кг-ын жинд 54 жүдочин барилдахаар мэдүүлэг өгсөн байна. Манай улсаас ДАШТ-ий хүрэл медальт, ОУХМ Лавжаргалын Анхзаяа, “Улаанбаатар Гранд слам”-ын аварга, ОУХМ Одгэрэлийн Уранбаяр, АНУ-ын иргэншилтэй Болдбаатарын Steven нар барилдана.

О.Уранбаяр “А” хэсгийн нэгдүгээр тойрогт гоц мөргөн ялалт авсан байгаа. Хоёрдугаар тойрогт Казахстаны Yesset KUANOV, Төв Африкийн Нэгдсэн Улсын Jason Patrick ZACKO NGAWILI нарын хэн ялсантай барилдана.

Л.Анхзаяа “D” хэсгийн нэгдүгээр тойрог гоц мөргөн ялалт авсан байгаа. Хоёрдугаар тойрогт Английн Irakli GOGINASHVILI, Гамбийн  Faye NJIE нарын  хэн ялсантай барилдана.

АНУ-ын Болдбаатарын Steven “А” хэсгийн нэгдүгээр тойрогт Домниканы Marc GERARDO VIALA-тай таарсан. Хэрэв түүнийг ялах юм бол хоёрдугаар тойрогт Францын Joan-Benjamin  GABA-тай барилдана.

ЭРЭГТЭЙЧҮҮДИЙН 81 КГ-Д О.ШИНЭБАЯР

      Эрэгтэйчүүдийн 81 кг-ын жинд 53 жүдочин барилдах мэдүүлэг өгсөн байна. Энэ жинд манай улсаас Оюунчимэгийн Шинэбаяр барилдана. Тэрбээр “С” хэсгийн нэгдүгээр тойрогт АНУ-ын Ramon HERNANDEZ JR-тай таарсан. Хэрэв түүнийг буулган авч чадах юм бол хоёрдугаар тойрогт Бразилын Gabriel  FALCAO-той барилдана. Эрэгтэйчүүдийн -100 кг-ын жингийн “D” хэсгийн нэгдүгээр тойрогт дүрвэгчдийн багийн, Өвөр Монголын Мөнхөөгийн Хүслэн, Францын Francis DAMIER-тай таарсан. Хэрэв түүнийг ялах юм бол хоёрдугаар тойрогт Украины Anton SAVYTSKIY-тай барилдана.