Хятад Улсын Түвдийн Өөртөө засах Орны соёл, аялал жуулчлалын ажлын бага хурлаас 2026 онд сэтгүүлч мэдээлснээр,  өнгөрсөн 2025 онд Түвдийн соёл, аялал жуулчлалын зах зээл үргэлжлэн эрчтэй хөгжиж, дотоодын болон олон улсын 70 сая 733 мянга гаруй жуулчин хүлээн авч,  2024 оны мөн үеэс 10.71 хувиар өссөн байна.

      Мэдээллээс харахад, 2025 онд Түвдийн соёл, аялал жуулчлалын бүтээгдэхүүн улам бүр баяжиж, соёлын салбарын бүтээгдэхүүний үйлдвэрлэлийн хэмжээ 15 тэрбум гаруй юаньд хүрч, өмнөх 2024 оны мөн үеэс 35.29 хувиар өсчээ. Аялал жуулчлалын нийт зардал 81 тэрбум 681 сая юаньд хүрч, өмнөх оны мөн үеэс 9.51 хувиар өссөн үзүүлэлт гарчээ.

    Түвдийн Соёл, аялал жуулчлалын газрын албан ажилтан танилцуулснаар, "Түвдийн өвлийн аялал", "Орон нутгийн аялал" зэрэг иргэдэд хөнгөлөлттэй хэд хэдэн бодлого, мөн Түвдийн уламжлалт бүжиг, сарлагийн арьсан завь, луут завины уралдаан зэрэг ардын урлаг, зан заншлыг харуулсан баялаг арга хэмжээнүүд нь орон нутгийн нөөц баялаг, үйлдвэрлэл, нөхцөл байдлын зохицуулалттай хөгжлийг дэмжиж байна” гэжээ.

       Эх сурвалж: “Анд” студи.