Азийн олимпын зөвлөл /АОЗ/ болон “Рияд 2026” Зохион байгуулах хорооноос ирэх 2026 оны арванхоёрдугаар сарын 13–21-ний өдрүүдэд зохион байгуулагдах “Азийн танхимын болон тулааны спортын VI наадам”-ын урилгыг МҮОХ-нд албан ёсоор ирүүлжээ.

    “Рияд 2026” наадмын хөтөлбөрт каратэ, жюү жицү, биллиард, таеквондо, 3х3 сагсан бөмбөг, муайтай, гандбол, сквош теннис, холимог тулаан, шатар, жүдо, бокс, хүндийг өргөлт, футзал, чөлөөт бөхийн төрлүүд багтсан бол текболын спортыг үзүүлэх тоглолт хэлбэрээр зохион байгуулахаар Азийн олимпын зөвлөлийн Гүйцэтгэх зөвлөлөөс шийдвэрлэсэн байна.

     Энэхүү наадам нь Азийн 45 Үндэсний олимпын хороодын баг тамирчид болон Номхон далайн 18, ҮОХ-дын дунд олимпын, олимпын бус спортын төрлүүдээр дөрвөн жил тутам зохион байгуулагдаж буй томоохон наадам юм. 2005 оноос эхэлсэн тус наадам нь 2017 онд Туркменистаны нийслэл Ашгабат хотноо 21 спортын төрлөөр зохион байгуулагдаж, улмаар цар тахлын улмаас цуцлагдаад байсан билээ.