Дрон кодчиллын “Enjoy AI-2025” өсвөр үеийн олон улсын  аварга шалгаруулах тэмцээн арванхоёрдугаар сарын 5-ны өдөр боллоо. Тус тэмцээнд Монгол Улсаас 56 бяцхан тамирчид оролцож бахархам амжилт гаргасан байна. Робот, кодчиллын энэхүү тэмцээнээс манай хүүхдүүд нэг алт, нэг мөнгө, нэг хүрэл медаль хүртжээ.

Тус тэмцээнд дэлхийн 61 орны 1000 гаруй хүүхэд хуран цугларч, робот, кодчиллын ур чадвараа сорьсон байна. Монгол Улсаас Ховд, Говь-Алтай, Дархан-Уул, Говьсүмбэр, Баянхонгор аймгийн 56 бяцхан тамирчин оролцсон байна.

Медаль хүртсэн хүүхдүүд:

“Дрон кодчилол” төрөлд Р.Ууганбаяр – Алтан медаль Говь-Алтай аймаг.

“Дэлгэцгүй кодчилол” төрөлд Б.Есөнмөнх, Э.Өрнөхбаяр – Мөнгөн медаль Дархан-Уул аймаг.

“Дэлгэцгүй кодчилол” төрөлд Н.Амин-Эрдэнэ, Б.Содгэрэл – Хүрэл медаль тус тус хүртсэн байна.