Монголын үндэсний олимпын хорооноос хүүхэд, залуучуудад спорт, олимпизмыг сурталчлах, олимпын үнэт зүйлсийг таниулах зорилгоор спортын алдартантай уулзуулж, тэдний амжилтаар бахархах, цаашлаад спортоор хичээллэх дур сонирхолтой болгох зорилгоор “Спортын алдартан – бидний бахархал” уулзалтыг тогтмол зохион байгуулдаг билээ.

    Энэ удаагийн уулзалт нийслэлийн Налайх дүүргийн ерөнхий боловсролын 109 дүгээр сургуульд амжилттай зохион байгуулагдав. Уулзалтад МҮОХ-ны тэргүүн дэд ерөнхийлөгч Ч.Наранбаатар, “Мехико 1968” олимпын наадмын хүрэл медальт, Монгол Улсын Хөдөлмөрийн баатар, Ардын багш, гавьяат тамирчин Ч.Дамдиншарав, “Рио-2016” олимпын наадмын хүрэл медальт, гавьяат тамирчин Д.Отгондалай нар оролцлоо.

    Тэд амжилтад хүрэхэд шаргуу хөдөлмөр, сахилга бат, зөв хандлага чухал талаар сурагчдад үнэтэй зөвлөгөө өгөн, өөрсдийн туршлагаасаа хуваалцсан юм. Спортын алдартнуудын түүх, зөвлөмж нь сурагчдад өөрийгөө хөгжүүлэх, спортоор хичээллэн зорилгоо тодорхойлоход урам зориг өгч, тэдний хүсэл мөрөөдөлд эерэг нөлөө үзүүлнэ гэдэгт итгэлтэй байна.