Киргизстан Улсын Бишкек хотноо зохион байгуулагдсан гараар татах хүчний дэлхийн цомын аварга шалгаруулах тэмцээн боллоо. Монголын гараар татах хүчний холбооны баг тамирчид тус тэмцээнд амжилттай оролцлоо. Багийн дүнгээр Монгол Улсын баг хоёрдугаар байр эзэллээ.

     Манай тамирчид нийт гурван алт, гурван мөнгөн медаль хүртэж, эх орныхоо нэрийг дэлхийд дуурсгав. Тэмцээний онцлох тамирчдаар Г.Эрхэмбаяр, Р.Энх-Амгалан, З.Ганхуяг нар шалгарч, “Best Lifter” цомын эзэд боллоо. Энэ нь Монголын гараар татах хүчний спортын олон улсын нэр хүндийг шинэ түвшинд гаргасан бахархалт амжилт байгуулав.