Зүүн Азийн 2023 оноос эхэлсэн сагсан бөмбөгийн шилдэг клубүүдийн лигийн тэмцээн болно. Тус Зүүн Азийн лигийн “EASL” тэмцээнд манай улсын “Хасын Хүлэгүүд” баг анх удаа оролцоход бэлэн болжээ. Тус лигийн тэмцээний хүрээнд Тайвань, Хонконг, Макао, Филиппин, Өмнөд Солонгос, Япон, Монгол гэсэн долоон орны тус тусын лигийнхээ аварга болсон багууд өрсөлдөх юм.

    Тэмцээний нээлтийн тоглолтууд аравдугаар сарын 8-ны өдөр болох бөгөөд “Хасын Хүлэгүүд” баг шинэ улирлын хамгийн эхний тоглолтыг Японы “Alvark Tokyo” багийн эсрэг Токио хотын “Keio” цэнгэлдэх хүрээлэнд хийхээр боллоо. Тус тэмцээний бүх тоглолтууд аравдугаар сарын 8-ны өдрөөс эхлэн ирэх 2026  оны гуравдугаар сарын 22-ны өдрийг хүртэл “PSN” телевизээр албан ёсны онцгой эрхтэйгээр шууд дамжуулан хүргэнэ.