Биеийн тамир, спортын улсын хорооны дарга Э.Билэгт өнөөдөр Хилийн цэргийн 0208 дугаар тусгай салбарын захирагч дэд хурандаа Г.Золзаяатай хамтын ажиллагааны санамж бичиг байгуулав. Санамж бичгийн хүрээнд “Хилчин” спорт хороотой биеийн тамир, спортын арга хэмжээ, сургалт, бэлтгэл зохион байгуулах, тамирчин, дасгалжуулагчид, албан хаагчдын мэдлэг ур чадвар, бие бялдар, хамтын ажиллагааг сайжруулахад оршиж байгаа юм.

     Хилийн цэргийн 0208 дугаар тусгай салбар “Хилчин” спорт хорооноос үндэсний спортын болон олимп, тив, дэлхийн аварга шалгаруулах тэмцээнээс медаль хүртсэн тамирчид олноор төрөн гарсан бөгөөд саяхан болсон Монголын бүх ард түмний зуны спортын наадмаас 31 алт, 38 мөнгө, 28 хүрэл медаль хүртэж, хүчний спортын хороодоос багийн дүнгээр дэд байрт орсон юм.