Монголын жүдо бөхийн холбоо болон Бүгд Найрамдах Хятад Ард Улсын “Taishan” групп хамтын ажиллагааны санамж бичигт гарын үсэг зурлаа. Энэхүү хамтын ажиллагааны хүрээнд Монголын жүдо бөхийн холбооноос 2032 оны зуны олимпын наадам хүртэл хэрэгжүүлж буй “Judo Kid” төслийг Олон улсын жүдо бөхийн холбоо, “Taishan” групп, Монголын жүдо бөхийн холбоо хамтран хэрэгжүүлэхээр боллоо. Төслийн үндсэн зорилго нь Монгол Улсын бүх 330 сумын хүүхдэд жүдогоор хичээллэх боломжийг бүрдүүлэх бөгөөд энэ нь хүүхэд, залуучуудын спортын хөгжилд тэгш оролцоог хангаж, Монголын жүдогийн ирээдүйд шинэ боломж нээх ач холбогдолтой юм.