Монгол Улсын гавьяат дасгалжуулагч, аймгийн арслан, жүдо бөхийн "Арслан" клубийн багш  Цэдэн-Ишийн Шийрэв Баянхонгор аймгийн Баянбулаг суманд энэ өдөр мэндэлжээ. Тив дэлхийн олон аварга, спортын алдартнуудыг өлгийдсөн МУГД Ц.Шийрэв багшийн шавь нар олимп, тив, дэлхийн 300 гаруй медаль хүртжээ.

       Түүний шавь нараас нь онцолвол мэргэжлийн сүмогийн ёкозүна, гавьяат тамирчин Тэрүнофүжи Г.Ган-Эрдэнэ, гавьяат тамирчин Ц.Цогтбаатар, Л.Отгонбаатар, Д.Төмөрхүлэг, Д.Нармандах, Б.Бат-Эрдэнэ, олимпын мөнгөн медальт, ДАШТ-ий мөнгөн медальт МУГТ Н.Төгсцогт, ДАШТ-ий хүрэл медальт, гавьяат тамирчин Л.Энхрийлэн, улсын заан Д.Анар, Б.Серик, улсын начин А.Давааням, Б.Лхагвадорж, Б.Түвшинтөгс, Э.Мөнхжаргал, сонирхогчдын сүмогийн дэлхийн аварга У.Бямбажав, Г.Наранбат, О.Мөнхцэцэг, мэргэжлийн сүмод тод өнгө болсоор яваа Ичиножёо А.Ичинноров, Бүх Японы аварга Б.Төрболд тэргүүтэй олон шилдэг тамирчин түүний шавь билээ.