БНХАУ-ын Чиндао хотод зохиогдож буй жүдо бөхийн “IJF”-ийн цуврал  “Чиндао-2025 Гран при” тэмцээний хоёр дахь өдрийн тэмцээн  өндөрлөв. Эмэгтэйчүүдийн 63 кг-ын жинд МУГТ Л.Энхрийлэн Өмнөд Солонгос, Ардчилсан Солонгос, Словен Улсын бөхчүүдийг ялж аваргын алтан медалийн төлөө шалгарсан билээ. Тэрбээр финалд Франц Улсын тамирчин Монан Декетертэй барилдан дийлдсэнээр мөнгөн медалийн болзол хангав. Энэ нь Л.Энхрийлэнгийн  гран при ангиллын тэмцээнээс хүртэж буй хоёр дахь медаль боллоо.