• Өнөөдөр 2025-09-28

Д.Сэлэнгээ, Б.Оюун-Эрдэнэ нар пара байтын ДАШТ-ий алтан медалийн төлөө өрсөлдөнө

2025-09-27,   205

       БНСУ-ын Кванжу хотод пара байт харвааны дэлхийн аварга шалгаруулах тэмцээн есдүгээр сарын 20-29-ний өдрүүдэд болж байна. Тэмцээнд 28 орны нийт 176 (эрэгтэй 111, эмэгтэй 65) тамирчин ганцаарчилсан, багийн болон холимог багийн төрөлд өрсөлдөж байгаа юм. Манай улсаас Үндэсний шигшээ багийн дасгалжуулагч Б.Золбоогийн удирдлага дор эрэгтэй гурав, эмэгтэй хоёр тамирчин цэц сорьж байна.

      Тус тэмцээний эмэгтэйчүүдийн багийн харваанд пара байт харвааны Үндэсний шигшээ багийн тамирчин Д.Сэлэнгээ, Б.Оюун-Эрдэнэ нар алтан медалийн төлөө өрсөлдөхөөр шалгарлаа. Тэд шигшээд шалгарах замдаа Туркийн багийг 5:4-өөр, Италийн багийг 6:2-оор ялсан. Энэ есдүгээр сарын 28-ны өдөр тэмцээн зохион байгуулагч орны багтай алтан медалийн төлөө цэц мэргэнээ сорино.

     Пара байт харвааны ДАШТ-ий эмэгтэйчүүдийн багийн төрөлд монголоос өмнө нь Д.Сэлэнгээ, Б.Жавхлантөгс нар хүрэл медаль хүртэж байв. Ийнхүү Монголын пара байт харвааны баг тамирчид холимог багийн болон эмэгтэйчүүдийн багийн төрөлд алтан медалийн төлөө өрсөлдөхөөр боллоо.


 

 


Д.Сэлэнгээ, Б.Оюун-Эрдэнэ нар пара байтын ДАШТ-ий алтан медалийн төлөө өрсөлдөнө
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.