Монгол Улсын Боловсролын яам, Монголын хөл бөмбөгийн холбоо (МХБХ)-той хамтран зохион байгуулж буй “Мөрөөдлийн гоол-2025” тэмцээний аваргын төлөөх тоглолтууд есдүгээр сарын 24-нд Улаанбаатар хотод эхлэхээр товлогдлоо.

   Энэхүү тэмцээн нь 21 аймаг, 330 сум болон Улаанбаатар хотын есөн дүүргийн ерөнхий боловсролын дунд сургуулиудыг хамарч, охид, хөвгүүдийн хоёр насны ангиллаар өрнөсөн бөгөөд шилдэг багууд тодорсоор байна.

   Тус тэмцээний техникийн зөвлөл есдүгээр сарын 23-ны өдөр хуралдах бөгөөд багуудын мэдүүлгийг маргааш буюу 2025 оны есдүгээр сарын 22-ны өдрийн 12:00 цаг хүртэл хүлээн авна.