Монголын бүх ард түмний спортын зуны XVI наадам энэ сарын 15–21-ний өдрүүдэд Баянхонгор аймагт амжилттай зохион байгуулагдаж байна. Анх 1961 онд эхэлсэн уг наадам нь дөрвөн жил тутамд нэг удаа зохиогдож ирсэн бөгөөд спортыг орон нутагт түгээн дэлгэрүүлэх, шинэ төрөлд тамирчдыг бэлтгэх, спортын амжилтыг шинэ шатанд хүргэх, иргэдийг өргөнөөр хамруулах зорилготойгоор 64 жилийн түүхийг бүтээсэн билээ.

     Энэ удаагийн наадмын бадминтоны шигшээ тэмцээн 2025 оны есдүгээр сарын 18-19-ний өдөр зохион байгуулагдаж 21 аймаг, нийслэлийн есөн дүүргээс шалгарсан шилдэг тамирчид ур чадвар, хурд, хүч үзэж, медалийн төлөө өрсөлдөн, спортын шинэ амжилтын эзэд тодорлоо.

    Тус тэмцээний холимог хосын төрөлд Баянзүрх дүүрэг, "Алдар" спорт хорооны тамирчин О.Энхбат, М.Болор-Уянга нар аваргыналтан медаль хүртэв. Эрэгтэй хосын төрөлд Баянзүрх дүүрэг, "Алдар" спорт хорооны тамирчин О.Энхбат, Ж.Гэрэлсүх нармөнгөн медаль, эмэгтэй хосын төрөлд Баянзүрх дүүрэг, "Алдар" спорхорооны тамирчин Г.Мягмарцэрэн, М.Болор-Уянга нар хүрэл медаль авлаа.

    Харин эрэгтэй ганцаарчилсан төрөлд Баянзүрх дүүрэг, "Алдар" спорт хорооны тамирчин Ж.Гэрэлсүхмөнгөн медаль хүртэж,  багийн нийлбэр дүнгээр Э.Мөнхнаран, Х.Бямбасүрэн дасгалжуулагчтай Баянзүрх дүүрэг, "Алдар" спорт хорооны баг гуравдугаар байр эзлэв.