Монголын чөлөөт бөхийн холбоо шинэчилсэн бодлогын хүрээнд чөлөөт бөхийг сурталчлах, түгээн дэлгэрүүлэх зорилгоор, тив дэлхий, олон улсын тэмцээнүүдийг шууд дамжуулан хүргэх тал дээр 2023 оны намраас эхлэн эрчимтэй ажиллаж эхэлсэн байгаа.  Үүний дагуу 2025 оны насанд хүрэгчдийн дэлхийн аварга шалгаруулах тэмцээнийг Хорват Улсын Загреб хотоос энэ сарын 13-18-ны өдрүүдэд эх орон даяар албан ёсны онцгой эрхтэйгээр “Боловсрол” телевизтэй хамтран шууд дамжуулан  спорт сонирхогчдод хүргэхээр болжээ. Шууд дамжуулалтыг спортын сэтгүүлч, тайлбарлагч С.Шижирбат тайлбарлан хүргэх юм байна.