Байлдааны самбо бөхийн дэлхийн хошой аварга, ОУХМ Гантөмөрийн Баяндүүрэн Дорнод аймгийн Баян-Уул суманд энэ өдөр мэндэлжээ. Тэр байлдааны самбо бөхөөр 2022 онд анх дэлхий аварга болж байлаа. Түүний дараа бэртэл аваад жил гаруй хугацаанд завсарласан. 2024 онд дахин дэвжээндээ эргэн гарч дэлхийн хошой аварга болж байв.

    Г.Баяндүүрэн самбо, жүдо бөхөөр 2013-2017 оныг хүртэл хичээллэсэн. Харин 2017 оноос хойш байлдааны самбо бөхөөр хичээллэх болсон юм. Байлдааны самбо бөхийн ДАШТ-ээс 2022 онд алт, 2024 онд алт, 2017 онд ДАШТ-ээс хүрэл медаль хүртэж байсан.  2017 оны Азийн наадмын хүрэл медальтай. 2019 оны Азийн аварга шалгаруулах тэмцээнээс алтан медаль хүртэж, Ази тивийн аварга болсон. Байлдааны самбо бөхийн Монгол Улсын таван удаагийн аварга.  Харин жюү жицүгээр 2019 онд дэлхийн тулааны наадмаас хүрэл медаль хүртэж байв.

   Тэрбээр ОХУ-ын “Baikal cup-2019” олон улсын тэмцээнээс мөнгө, “Seoul pro-2019” олон улсын тэмцээнээс алт, “UB pro” олон улсын тэмцээнээс 2018, 2019 онд алтан медаль авч байсан. Жюү жицүгийн УАШТ-ий таван удаагийн аварга. “No Gi” төрлийн УАШТ-ий хоёр удаагийн аварга болж байв.  “MMA”-ийн дээд амжилт  4:1 байгаа. Гардан тулааны Монгол туургатны аварга болж байсан.